22 may. 2017

A GALIÑA AZUL. CARLOS CASARES

Os nenos/as de infantil durante toda a semana pasada continuamos a traballar na figura de Carlos Casares. Despois de saber algo máis da súa vida , agora tocaba aprender un pouquiño da súa obra. Así coñecemos Vento Ferido, A Galiña Azul, O can Rin e o lobo Cripín, Lolo anda en bicicleta e as Laranxas mais laranxas de tódalas laranxas.
E máis en profundidade ,o conto que traballamos na aula,  A Galiña Azul .
1º Traballamos o conto.

2º Fixemos as galiñas azuis coas nosas mans e un mural para a entrada do cole.



3º Traballamos na Pizarra Dixital o seguinte LIM do conto , que comparte o blog de Actividades LIM.

A GALIÑA AZUL

                                                                                                                                                                   
   

Agora toca esperar ,ao 31 de maio, para ir ver a obra de teatro a Casa da Cultura de A Cañiza. Representada pola compañía UBU TEATRO. Xa vos contaremos!!!

15 may. 2017

CARLOS CASARES: LETRAS GALEGAS 2017

O mércores, 17 de maio, celébrase o Día das Letras Galegas. Esta semana os peques do cole adicarémola a traballar e profundizar máis na vida e obra de Carlos Casares, autor homenaxeado.
Hoxe,vimos un vídeo da súa biografía, que publicou Ana Martínez  no seu blog  AULA TIC ,  dende aquí lle damos as grazas por compartir este estupendo material que fixo co seu alumnado.


A continuación retratamos a Carlos Casares.



13 may. 2017

O DÍA E A NOITE

Para que os pequen@s entenderan mellor "o día e a noite" observamos un vídeo explicatorio da man de Doki.

Tamén fixemos unha simulación coa linterna e o planeta Terra . Descubrimos que a Terra tarda 24 horas (un día) en dar unha volta sobre si mesma, este movemento chámase rotación.
A continuación, aprendimos unha poesía sobre o día e a noite ( podedes escoitala na galeria de fotos que está abaixo) e tamén traballamos a obra de "La noche estrellada" de Van Gogh. Estamos feitos uns artistas!!


 
Valeixe Infantil de Slidely Gallery by Slidely Photo Gallery

12 may. 2017

BIG BANG. A ORIXE DO UNIVERSO

Onte vimos un vídeo educativo do orixen do Universo sobre a teoría do BIG BANG




e para entendelo un pouqiño máis realizamos na nosa aula esta actividade tan divertida para simular o Big Bang. Ollade ben as súas cariñas!!! , merece a pena.





Pasámolo xanial!!!


11 may. 2017

A LÚA E AS SÙAS FASES

Os cativos de Valeixe estivemos aprendendo nestes días as fases da lúa. A lúa é un satélite que xira arredor da Terra e que non ten luz. Cando pola noite a miramos non sempre a vemos igual, iso débese a que a lúa ten fases. Primeiro observamos que a lúa non sempre ten a mesma forma, fixemos unha ficha de traballo onde teñen que escribir o nome de cada fase.
Logo creamos un panel ou ruleta, coas formas das fases e os seus nomes. E por último fixemos unha caixa máxica, que eles mesmos decoraron con elementos do espazo, na que se pode observar as distintas fases da lúa. As súas reaccións foron de sorpresa.


    Dentro da caixa no centro e colgada de fío de sedal hai unha lúa de polispán. A caixa tiña catro buratos, un en cada lado, ademais unha lanterna debaixo dun dos buratos. Neste víase a lúa chea, no contrario a lúa nova e nos laterais cuarto crecente e cuarto minguante. 



Tamén empezamos a levar a cabo na Asamblea o calendario lunar. Cada día o encargad@ de aula será o responsable de colocar a forma da lúa correspondente.


7 may. 2017

COHETES ESPACIAIS

O venres, fixemos uns cohetes espaciais ben chuliños. Así pouco a pouco imos decorando a nosa aula e deixándoa ben bonitiña.

MATERIAL:
- rollo de papel hixiénico.
- Témperas.
- Gomets, folios de cores e papel de seda laranxa.

Hoxe, decoramos a nosa porta cun súper cohete



5 may. 2017

O RINCÓN DO UNIVERSO

Despois de escribir unha carta,  para pedir axuda as nosas familias, o noso rincón do Universo xa vai collendo algo de forma.


Moitísimas grazas familias polas vosas aportacións, son de gran axuda e os nenos/as veñen entusiasmados.


OS CONTOS DE HANS CHRISTIAN ANDERSEN

Como xa vos dixeramos en entradas anteriores, o día 2 de abril celébrase o DIA INTERNACIONAL DO LIBRO INFANTIL. Así que, dende a Casa da Cultura de A Cañiza, convidáronnos a participar na creación dun libro adicado a Hans Christian Andersen. Na súa cración participou todo o alumnado do cole de Valeixe e será levado para a nosa Biblioteca Municipal.
Despois de falar un pouquiño da biografía de Andersen e traballar algúns dos seus contos máis populares cada nen@ decidiu facer o debuxo do conto que máis lle gustaba.
Este foi o resultado final dos debuxos de infantil, podedelos ver no libro que pronto estará na Biblioteca.




Non quedaron nada mal, non sí??

OS ASTRONAUTAS

Durante a semana pasada estivemos traballando "Os Astronautas", tratamos como era o seu traxe espacial: 
- casco con micrófono e auriculares.
- unha mochila con bombona de oxíseno e propulsor.
- traxe desmontable.
- guantes e botas.


                                                                                                                                                                                      
Descubrimos que o primeiro ser humano 
en pisar a Lúa foi Neil Armstrong,
 a bordo do seu Apolo XI no ano 1969.






Fixemos uns astronautas ben chulis, a nosa tripulación xa está preaparada para viaxar ao espazo exterior e investigar os misterios do sistema solar.






25 abr. 2017

LAIKA, A PRIMEIRA COSMONAUTA

Levamos unha gran sorpresa ao comprobar que foi unha cadela rusa, LAIKA, o primeiro ser vivo enviado ao espacio exterior.
Deixovos a canción de Mecano sobre Laika e un videoconto educativo.




Foi unha gran historia que nos entristeceu .

Related Posts Plugin for WordPress, Blogger...